Koronaepidemien

Koronapandemien har ramma kulturskulen på lik linje med alle skular og barnehagar. Ingen veit kor lenge dette vil vare men i mellomtida vil nokon av kulturskulelærarane prøve med nettundervisning. Vi vil nytte same digitale plattform som skulane i Bremanger kommune har teke i bruk denne veka- nemleg videochatteprogrammet «Hangouts» i GoogleSuite.

Elevane vil få innføring i innlogging/bruken av programmet , så testar vi ut korleis det fungerer med speling/lyd. Om ikkje dette fungerer finst det alternative program som har svært god lydkvalitet samanlikna med andre.

Kunstelevar har fått heimeoppgåver , aspirantar og andre blåseelevar har fått ØveBingo! Læraren din tek kontakt med deg om kva opplegg du får. Mange elevar må rekne med å arbeide på eiga hand men læraren er uansett tilgjengeleg for spørsmål/hjelp så langt det let seg gjere.

Mange fellesaktivitetar må settast på vent no i denne tida men det er òg viktig å ha noko fast å gjere utanom skulearbeidet . Då er kunst og musikk ein fin aktivitet som kan få tankane vekk ifrå andre ting.

Ta kontakt med oss om du lurer på noko !