Måndag 3.juni var det utstilling av elevarbeid skuleåret 2018/2019 i Kulturshuset Heimen. Kafé Aletta og Galleri Dorthea var heilt stappfullt av elevar med foreldre og søsken.

Elevane frå den yngste kunstgruppa (3-og 4 .kl) møtte dei frammøtte  med sjølvlaga karnevalsmasker på seg , noko dei hadde planlagt ei heil tid og gledde seg til. Karusellborna har hatt 1/3 del kunstaktivitetar dette kulturskuleåret og viste stolte fram sine arbeid. Elevane i gruppa for 5-6-7 kl. hadde laga svært flott arbeid og kunne vise til varierte arbeid med ulike teknikkar.  Den eldste eleven er avgangselev på Hauge og har då si siste utstilling i kulturskulen. Ho har gjennom åra levert flotte arbeid og har vore utplukke til å representere UKM Bremanger fleire gongar.

Alle elevane fekk utdelt ei rose som takk for i år og Reidun fortalte litt om kva teknikkar ein har vore gjennom det siste året. Både gruppa frå 3-4- kl og gruppa frå 5-6-7 kl. har laga animasjonsfilm – først laga dei dukker og deretter filma dei med Stop Motion animasjonsprogram på iPad. Det har vore ei svært givande arbeidsoppgåve.