Yngste kunstgruppe på Hauge jobbar på spreng før kunstutstillinga dei førebur 7.juni kl 18.00 ! 

Bebuarane på sjukeheimen i Kalvåg fekk eit musikalsk besøk av nokre unge pianistar frå Kalvåg rett før jul. Det er kjekt å få lov å spele for andre – det er viktig læring ! Og når andre vert ekstra glad for at du kjem er det sjølvsagt veldig kjekt!

This slideshow requires JavaScript.

-på sjuke og aldersheimen i Kalvåg!

Ei gruppe frå «kulturkarusell» i Kalvåg tok onsdag 9.desember turen til sjukeheimen for å glede bebuarane der.  Ikkje så farleg om det ikkje var på sjølvaste Lucia-dagen 6.desember – å glede andre med songar kan ein gjere heile året.

Songen vart godt motteken av publikum.

Desse tre jentene er stolte «eigarar» av kvar sin kornett. Kvar torsdag møtast dei til øving saman med kornett-læraren sin Silje Aga Larsen. I tillegg til å vere messing-lærar spelar Silje kornett  i Kalvåg musikklag. Ho har mange år med korpserfaring bak seg både i skulekorpset og som vaksen i musikklaget.

Desse 3 jentene starta opp i 2014 med eit aspirant-prøveår i musikk-timane i skuletida. Dette er ein avtale vi har hatt med grunnskulen i nokon år og er heilt forsneleg med Kunnskapsløftet. Vi har brukt dei siste åra slik for å klare å «hanke  inn» dei som kanskje aldri hadde meldt seg på som aspirant. Les meir →

Vi vil med denne fargerike kunstplakaten få ynskje dykk alle velkomne til eit nytt spennande og fargerikt kulturskuleår. Vi ynskjer spesielt velkommen til nye elevar og håpar de vil finne dykk godt til rette saman med oss.

Vi startar opp undervisning i veke 35  – måndag 24.august. De vil få beskjed om oppmøtetider i løpet av denne veka / starten på neste veke.

Det er framleis ledige plassar på Musikkleik , Kulturkarusell og Visuelle kunstfag f.o.m 3.klasse  og oppover. Ta kontakt med Grete Berntzen 95 98 29 77 eller grete@bremangerkulturskule.no

Ledige plassar på kunstskulen i Bremanger kulturskule.

Nytt av året er tilbod til 3.og 4. klasse. Vi held til i kjellaren i Kulturhuset Heimen  – lærarar er Reidun Øvrebotten (5.-7- og 8.-10.klasse gruppa ) og Elisabeth Solbakken ( 3.og.4 klasse gruppa)

Kontakt Grete Berntzen 95 98 29 77 / post@bremangerkulturskule.no

Vakre silkemålingsbilder

KOMMANDE ONSDAG 10.juni held Bremanger Kulturskule Kyrkjekonsert i Ålfoten Kyrkje. Nokre av elevane frå bygda spelar saman med nokre av våre lærarane. Ein roleg meditativ konsert med saksofon, song, piano og gitar.

Konsertstart kl 20. Gratis inngong. Hjarteleg velkomen.

Første elevutstilling i Heimen vart helde tysdag 2.juni kl.18.00. Vertinner for utstillinga var huseigar/kunstlærar Reidun Øvrebotten , kulturskulelærar Elisabeth Solbakken og kulturskulerektor Grete Berntzen. Det vart servert sprudlande drikke og jordbær , og etterpå var det høve å kjøpe seg ein kopp kaffi. Det var stort oppmøte – men vi klarte likevel å «huse» alle som kom. Ei hyggeleg stund i Kafé Aletta!

Varsel om nye satsar i kulturskulen:

For skuleåret 2015-2016 auker vi elevavgiften i Bremanger kulturskule. Det vil fortsatt vere søskjen og aktivitetsmoderasjon.

 Prisar pr. år:

 Kr. 3000,- (uansett kva aktivitet du er med på)

 Søskjen/aktivitetsmoderasjon       20% søskjen/aktivitet 1

                                                          40% søskjen/aktivitet 2

 Sykurs for vaksne                            kr. 3000,-       8 vekers kurs à 2,5 timar

 Kurs i song/instrument                  kr. 3000,-       8 veker à 45 min.

 (Med atterhald om kommunestyrevedtak i juni)

Laurdag 25.april vert det konsert i Heimen med denne spreke karen . Han er opprinneleg frå Eikefjord men bur i Bergen. Han er fast gitarist for Good Time Charlie men arbeider som musiker  i ulike andre prosjekt. Vi har vore så heldige å få han her til oss denne helga. Vi arrangere workshop for gitar/bass elevar og andre som har lyst å vere med. Konserten startar kl. 18.00. Vi ynskjer alle som vil velkommen ! Dei som vil melde seg på Workshop ringer til Grete :  95 98 29 77.

Bremanger kulturskule er så stolte over desse karane sin prestasjon på fylkesmøstringa 2015. Alle fire er/var elevar i vår kulturskule. Men mest av alt er karane svært talentfulle! Underteikna er gjerne inhabil MEN vi var ganske så sikre på at dei «kniva » i toppen etter deira prestasjon på scena.

Einar Nesbakk var med som far til Halvor og som UKM -leiar backstage. Han kunne med sin store kunnskap om band og denne type musikk finpusse på låta til dei før dei skulle på scena. Låta deira «Jailhouse Rock» vart korta mykje ned – soloane vart kortare og meir konsise, – innslaget vart akkurat passe langt nok til å vere ein konsertversjon – tid 3.40 . Og som han sa ; ei må sleppe publikum i ei kjensle av at dei vil høyre meir etter siste tone ebba ut! Og DET gjorde det virkelig. Energinivået på låta holdt heilt fram til slutten – dei hadde full kontroll gjennom heile låta.

Iver sitt stilsikre og levande gitarspel imponerte nok ein gong, medan Halvor (ja – eg er inhabil) imponerte oss med tøff «blå» song som gav publikum både energi og godt humør! Men utan bass og trommer duger helten ikkje – dei imponerte oss like mykje – både Oliver og Håvard spelte leikande lett og viste full kontroll ,høgt nivå og stilsikkerhet over framføringa si. Desse fire er svært samspelte , noko som kanskje manglar litt på andre «UKM-band». Mange lagar nye band rett før ei lokalmønstring  men rekk ikkje å verte nok samspelte før framføringa si. Desse 4 karane har spelt ilag lenge – relativt sett og det viser igjen.

Og ikkje nok med DET – 3 av gutane kom òg vidare med sitt bidrag i «Firda Crew» saman med 2 andre elevar frå musikklinja på Firda vidaregåande skule. Vi bøyer oss i støvet for denne gjengen ! Håpar vi alle kan få henge med dykk til Trondheim.

Olavshallen next !

BILDE LÅNT FRÅ NRK:NO

BILDE LÅNT FRÅ NRK:NO

BILDE LÅNT FRÅ NRK:NO

BILDE LÅNT FRÅ NRK:NO