Elevkonsert i Heimen

Måndag 28.januar kl. 17.30 vil nokre av våre elevar delta på ein liten elevkonsert i Kulturhuset Heimen på Hauge. ( Kinoen) Det vert ein variert konsert med elevar på treblås, piano, gitar , song og band. Vi håpar både føresette og andre elevar kjem for å høyre på . Det er gratis inngang for barn / ungdom men vaksne betaler 50 kr i inngangsbillett i døra.

Desse og fleire vert å høyre på konsert måndag 28.januar

Ikkje alle elevar skal vere med denne gongen – i løpet av året skal alle våre elevar få delta i framføringar , små eller store. Til sommaren kjem den store konserten vår – men denne måndagen vert konserten litt mindre med færre elevar på scena. Velkommen skal de vere!

Ny elev på piano hausten 2018

Kvardagen i kulturskulen

Diverse bildeglimt hausten 2018

Det er mykje som skjer i kulturskulen – vanlegvis ser de berre «framsida» på konsertar og utstillingar men den verkelege kulturskulen er alle dei vanlege dagane der elevane kjem på speletime, dansetime , kunstaktivitetar etter skuletid. Til saman gjev vi mange born og ungdomar eit kulturbasert fritidstilbod med til saman svært mange timar pr veke. Vi møter born og unge frå 5 til 16 år , kanskje t.o.m. eldre enn det. Og vi underviser på mange ulike stadar i kommunen , så sant det går an.

Denne hausten har vi òg eit kommunalt prosjekt for barn og unge  8 – 26 år – frå mange land men busette i Bremanger kommune inkl nokre norskfødde barn/unge. Med alle dei reiser vi til eit endå større samarbeid – nemleg til Operahuset Nordfjord . Og prosjektet heiter Fargespel og har hadde sitt opphav i Bergen for nokre år tilbake.  Dette er nytt for oss og veldig spennande-  vi gledar oss til fortsettelsen. Forestillinga vert i Operahuset i april.  

Drama og sang med Angy og Helena

Hausten 2018 har vi fått ekstra hjelp i kulturskulen nemleg av Angy Avendano og Helena Bjarkadottir !

Angy Avendano Angyer 20 år , fødd i Chile men har vokse opp i Lærdal i Sogn. Ho starta på drama i kulturskulen og gjekk så vidare med 3 år på  Drama linja på Firda VGS på Sandane. No er ho komme til Bremanger for å bu dette året og vi er så heldige å ha ho her med oss.

Ho skal Les meir

Nytt kulturskuleår 2018 / 2019

Geir – ny danselærar seier: ”Jeg har lyst å ha et fokus på danseglede, kreativt rom og dans, men også et teknikkfokus hvor de får lært de forskjellige dansesjangerene med fokus på at dette skal være en hyggelig plass for å bli kjent med andre elever og få et godt læringsmiljø og en trygg plass for å være seg selv.”

Oppstart augustAnjas fjell (2) oljepastell inspirert av Kleiva

Vi startar opp med undervisning i veke 35.

Er du usikker på noko eller Les meir

Karusellfest 11.juni 2018

Kulturskuleåret 2017/2018 har karusellelevane vore «prøvekaniner» for eit nytt prosjekt i kulturkarusell – nemlig dukketeater. Sidan underteikna ikkje har gjort eit liknande prosjekt tidlegare var det litt prøving og feiling som måtte til. Karusellelevane var delte i 3  grupper dette skuleåret , slik at det til slutt vart 3 ulike dukketeaterstykker. IMG_8551

Vi starta med historieskaping der elevane fantaserte seg fram til figurar og ei handling dei ville bruke i stykket sitt. Dette var viktig fordi dukkene skulle få eige «liv». Dukkene vart deretter skapt ved hjelp av papp, og tekstil til kle . Dette tok ei tid då elevane trengte mykje hjelp til dukkene.

Når dukkene var ferdig laga dei scenografi (bakgrunnsbilete) til stykket – som skulle passe til handlinga. Les meir

Musikk frå film & scene

Temakonsert for elevar i kulturskulen i Bremanger/ Kalvåg!fullsizeoutput_6611

Måndag 9.april var Kulturhuset Heimen heilt stappfullt av elevar , lærarar og publikum. Mellom 25 – 30 innslag vart framført på scena. Gitaristar , ulike blåsarar  , sangmoves-elevar , pianistar , trommisar, keyboard og vokal. Og det vart framført musikk frå mange ulike filmar og musikalar. Det var laga film til fleire av innslaga , trailere frå filmar som elevane spelte ifrå. Vi kan nemne filmar som Titanic , Flåklypa, Pippi Langstrømpe, Pirates of the caribbean, Mission Impossible , Olsenbanden og mange fleire.

Tor Olav Heldal var med for første gong som ny lærar i kulturskulen. Ein betre presentasjon kjem seinare.

This slideshow requires JavaScript.

 

Utviding av lokaler

Kulturskulen i Bremanger har for mange år sidan vokse seg ut av lokala sine og vi har eit stort behov for lagerplass, grupperom og ikkje minst lovlege og velegna arbeidsplassar til dei 13 ansette. Dette ser no ut til å betre seg litt når vi får overta det «gamle» biblioteket på Hauge skule. Der vil vi få plass til eit grupperom, eit kontor for rektor og møterom for kulturskulelærarane. Det vil nok ikkje løyse alle lokalitetsvanskane våre men vi ser fram mot ei god løysing på dette ganske snart om politikarane våre vil oss meir vel. Hauge skule

Ledige plassar på Hauge

Vi har ledige plassar på Musikkleik for 5 åringar og på

Kulturkarusell for 1. og 2. klasse.

Musikkleik for 5 åringarenfant musique:

Gjennom song, dans og leikar stimulerer vi til musikalsk og kreativ utvikling hos born.

Praktisk info: Vi legg opp til at borna får dette tilbodet i barnehagetida for å gjere det enklare for foreldre/føresette. Dette har vore ei fin ordning med gode erfaringar frå tidlegare år. Barnehagepersonell kjem til å fylgje borna til kulturskulen på Hauge skule.

Kontakt Grete omgåande for påmelding: 95982977 eller send epost grete@bremangerkulturskule.no.

Kulturkarusell 1. og 2. klasse.

Elevane får grunnleggande opplæring i musikk og visuell kunst. Synge og spele instrument , tegne og male m.m.

Vi har allereie ei gruppe på Kulturkarusell med elevar som no går i 2.klasse. No opnar vi opp for ei ekstra gruppe og har difor ledige plassar for 1. og 2. klassingar.

Praktisk: Vi prøvar å tilpasse tidspunkt for kulturkarusell til rett etter skuletid,-gjerne i ein 6.time.

Kontakt Grete omgåande for påmelding: 95982977 eller send epost grete@bremangerkulturskule.no

 

 

 

Elevutstilling i kulturhuset Heimen

Før sommarferien hadde vi kunstutstilling i Kulturhuset Heimen. Det var stort oppmøte av alle elevar med gjestar. Kulturkarusell (1.-2.klasse) og eldre kunstelevar frå 4.kl. – 10.kl. Elisabeth har vore lærar for dei to yngste gruppene medan Reidun har hatt dei eldste.  Elevane serverte alle sprudlebrus med jordbær som seg «hør og bør» på ei kunstutstilling.

Utstilling i Øyratunet anno 2017

Mandag 29. mai viste elevar på kulturkarusell og visuell kunst fram arbeida sine på Øyratunet i Svelgen.

Ei flott og mangfaldig utstilling, med maleri, trykk i lino, kannedyr, akvareller og teikningar. Mange møtte opp for å vere med på opninga, der kulturkarusell elevane framførte 2 songar og lærar i visuelle kunstfag Aud Marit Skarrebo Holmen fortalte om teknikkar som elevane har nytta i arbeidet. Les meir