Laurdag 25.april vert det konsert i Heimen med denne spreke karen . Han er opprinneleg frå Eikefjord men bur i Bergen. Han er fast gitarist for Good Time Charlie men arbeider som musiker  i ulike andre prosjekt. Vi har vore så heldige å få han her til oss denne helga. Vi arrangere workshop for gitar/bass elevar og andre som har lyst å vere med. Konserten startar kl. 18.00. Vi ynskjer alle som vil velkommen ! Dei som vil melde seg på Workshop ringer til Grete :  95 98 29 77.

Bremanger kulturskule er så stolte over desse karane sin prestasjon på fylkesmøstringa 2015. Alle fire er/var elevar i vår kulturskule. Men mest av alt er karane svært talentfulle! Underteikna er gjerne inhabil MEN vi var ganske så sikre på at dei «kniva » i toppen etter deira prestasjon på scena.

Einar Nesbakk var med som far til Halvor og som UKM -leiar backstage. Han kunne med sin store kunnskap om band og denne type musikk finpusse på låta til dei før dei skulle på scena. Låta deira «Jailhouse Rock» vart korta mykje ned – soloane vart kortare og meir konsise, – innslaget vart akkurat passe langt nok til å vere ein konsertversjon – tid 3.40 . Og som han sa ; ei må sleppe publikum i ei kjensle av at dei vil høyre meir etter siste tone ebba ut! Og DET gjorde det virkelig. Energinivået på låta holdt heilt fram til slutten – dei hadde full kontroll gjennom heile låta.

Iver sitt stilsikre og levande gitarspel imponerte nok ein gong, medan Halvor (ja – eg er inhabil) imponerte oss med tøff «blå» song som gav publikum både energi og godt humør! Men utan bass og trommer duger helten ikkje – dei imponerte oss like mykje – både Oliver og Håvard spelte leikande lett og viste full kontroll ,høgt nivå og stilsikkerhet over framføringa si. Desse fire er svært samspelte , noko som kanskje manglar litt på andre «UKM-band». Mange lagar nye band rett før ei lokalmønstring  men rekk ikkje å verte nok samspelte før framføringa si. Desse 4 karane har spelt ilag lenge – relativt sett og det viser igjen.

Og ikkje nok med DET – 3 av gutane kom òg vidare med sitt bidrag i «Firda Crew» saman med 2 andre elevar frå musikklinja på Firda vidaregåande skule. Vi bøyer oss i støvet for denne gjengen ! Håpar vi alle kan få henge med dykk til Trondheim.

Olavshallen next !

BILDE LÅNT FRÅ NRK:NO

BILDE LÅNT FRÅ NRK:NO

BILDE LÅNT FRÅ NRK:NO

BILDE LÅNT FRÅ NRK:NO

This slideshow requires JavaScript.

Foto : Grete Berntzen

This slideshow requires JavaScript.

Etter vinterferien vert det igjen oppstarta eit

Redesign kurs –  tekstil – siste gong var i 2011.

Stad : Kulturhuset Heimen

Vær eit miljøbevisst menneske og gjenbruk verdifulle materialar på nye og kreative måtar. Vi bruker gamle klede, stoff, strikkeplagg, blonder, knappar, band, pels og så vidare. Med utgangspunkt i dette lagar vi nye produkt. Det kan være klede, puter, gardiner, trekk til stolar eller det du lystar.

Slepp deg laus og bruk fantasien! Skap ditt eige som ingen har maken til!

Kontakt kulturskulen snarast! Begrensa plassar.

«Å vere i verda» er eit prosjekt der resultatet skal vere ein del av scenografien til oppsetninga «Der båra bryt». Elevar i kulturskulen og på Hauge skule har laga kopiar av 10 hus på Grotle, og fortel historia deira. Elevane har arbeidd med sjølve byggverket, men dei har også fått høyre historia til huset, med påbygg og oppussingsprosjekt. I tillegg har dei snakka med dei som bur der og fått bli kjend med menneska i husa si historie.

Scenograf Tormod Lindgren har leia det kunstneriske arbeidet, ilag med lærar i visuelle kunstfag Reidun Øvrebotten og sløydlærar Raimund Hoclas som har arbeidd med elevane sidan august 2014.

Laurdag 31. januar var husa ferdige og kunne visast ut. Over hundre menneske kom til utstillinga som vart opna av kultursjef Espen Frøysland. Elevane las dikt og kåser, spelte musikk og til slutt fekk alle sjå dei flotte byggverka.

This slideshow requires JavaScript.

NYTT TILBOD FRÅ BREMANGER KULTURSKULE.
Bremanger kulturskule vil våren 2015 prøve ut eit nytt gruppekonsept som har fått navnet :

«SANGMOVES».

Tittelen er ei blanding av dialekt og engelsk og skal beskrive at timen er ein kombinasjon av songtime og koreografi/bevegelsestrening. Vi håpar at tilbodet kan vere av interresse både for jenter og gutar i alle aldrar. Truleg vert det eigne gutegrupper om ein får nok påmeldingar. Vi understreker at tilbodet ikkje er eit substitutt for vårt manglande dansetilbod men vil innebære ein god del koreografi for dei som likar å både synge og danse.

For elevar i 1. og 2.klasse vil ein få ein introduksjon til faget «Sangmoves» i gruppene Kulturkarusell. OPPSTART Februar 2015 veke 6.v

Lengde: 45 minutt pr veke.

Pris: 1300 kr pr halvår.
Alder: 3. Klasse og oppover.
Lærar: Laila B
Send snarast epost for påmelding til:
mailto:post@bremangerkulturskule.no»>E-post post@bremangerkulturskule.no

Det er også mogeleg for vaksne å melde seg på. Tilbodet går ut til heile kommunen og vert starta opp der det let seg gjere.

Med venleg helsing
Grete Berntzen
-­Kulturskulerektor

Informasjon om innhald.
Kategoriar: Musikalar, Disney, Musikkvideo, 60 talls soul,
Elevens val og Stomp.
Musikalar:
Den kategorien som har mest dans og skodespel i seg av dei kategoriane vi skal jobbe med.
Vi hentar inspirasjon frå musikalar som Abba (Mamma Mia) , Les Miserablé , Cats , Grease, Annie, Fame og liknande.

Disney:
Samlebegrep for diverse songar/dansar frå diverse teikneseriefilmar. Her hermar vi etter figurar frå til dømes Happy Feat, Istid, Alvin ;Froze, Askepott , Stor ståhai (Shark Tale) etc.

Musikkvideo:
Kategori kor ein skal etterlikne kjende artistar som både syng og dansar. Elevane får sjølve komme med forslag på nyare musikkvideoar ein kan øve etter, men ein skal òg innom eldre grupper /artistar som til dømes Backstreet Boys , Nsynk, Michael Jackson og Spice Girls. 

60 tals soul:

Vi let oss inspirera av artistar /grupper som the Temptations , The Supremes, Aretha Franklin og James Brown med fleire.

Elevens val:
Elevane skal i fellesskap bestemme song og lage koreografi.

Stomp:
Musikkform der ein brukar kroppen og diverse gjenstandar til å lage rytmiske figurar.
Vi skal ikkje synge i denne kategorien men ha stort fokus på rytmetrening presisjon og koordinasjon. Alle gruppene skal lære den same koreografien i denne kategorien.

Laurdag hadde elevar på visuelle kunstfag og kulturkarusell utstilling på Øyratunet. Dei viste mykje flott, og mange kom for å sjå den fine utstillinga. Stor takk til lærar Aud Marit Skarrebo Holmen og alle elevane.

This slideshow requires JavaScript.

Velkommen alle nye og «gamle» elevar til eit nytt og spennande kulturskuleår! I skrivande stund er ein av våre elevar Aksel H.Vedvik i Oslo på Melodi Grand Prix Junior. Det er vi kjempstolte av! Aksel bevise for alle oss andre at det nyttar å stå på og vise kva ein kan. Vi ynskjer han lykke til ! Laurdag kan de alle følgje Aksel på «liveoverføring i Bremangerhallen! Dørene opna kl 18.00 ! 

Dette skuleåret er Raimund Hoclas tilbake i våre «lærarrekker» og det er vi kjempeglad for – ikkje minst er Svelgen-elevar glade for dette då han skal ha musikkundervisning i heile grunnskulen i tillegg.

Vi kjem attende med nyhende etterkvart i skuleåret. Lykke til på «kulturskuleferda»

Sommaren er nær men kulturskulen har på langt nær «lagt inn årane» enno. Det vert ikkje store konsertar denne sommaren – det hadde vi i mars.I denne vår-perioden tek vi det meir med ro og prioritere annaleis. Korpsa våre har gjerne festivaler /turar -så dei kviler ikkje på denne tida.

Lyst og triveleg!

Det har vore mange aktivitetar denne våren  – og det har vore endringar i lokalitetane våre. Reidun har kjøpt «Kulturhuset Heimen»  og det har ført til at kunstskulen har skifta lokaler. Dei held no til i kjellaren i Heimen i eit førebels lokale men til hausten skal Reidun lage til nytt verksted i det gamle kjøkkenet i Kulturhuset Heimen.

Vi hadde uhøgtideleg opning – rektor Grete kom på surprisebesøk med brus og sjokolad

Akkurat då var karusellgruppa på sin første kunst-time i nytt lokale.Etter dei små var ferdige kom den eldste gruppa i kunstskulen. Dei vart trakterte på samme vis som dei små.

Desse flotte damene er faktisk elevar i Bremanger kulturskule. Dei har vore på sykurs i over 20 timar denne hausten og vinteren,  for å kreere desse fantastiske vintage-kjolane som de ser her på bildet. Og «premien» var sjølvsagt å få lov å gå med dei ein kveld! ( Og kanskje det byr seg fleire anledningar å bruke desse kjolane? ) 

Kjolane var utan tvil føreseggjort og – men  fleire har tenkt gjenbruk når dei har valgt stoff. Nokon har brukt gamle gardiner og det er t.o.m.  sydd nokre kjolar (kun 1 på bilde)  av gamle scenetepper på Hauge skule. Men denne gjengen tok likevel turen til Bergen/Åsane for å  shoppe på den berømte butikken  Stoff og Stil. Det du ikkje finn der er ikje verdt å finne til slikt bruk. Det er rimeleg og godt utval. Sydamene har heile tida hatt ein «chat » på Facebook gåande dei kalla for Grevinnechatten – der kunne dei motivere , tulle og tøyse om både det eine og det andre. Så sykurset har ikkje berre vore lærerikt – det har utan tvil gjort oss kjent betre med kvarandre. Og det er verkeleg kjekt å utvide horisontane våre .

Desse damene er no «innvia» i den store «grevinneordninga» som sjefsgrevinna Reidun av Løvikneset har oppretta i samaband med sin 50 års dag for nokre få år sidan.  Det finns grevinner frå fleire kantar av landet og om dette breer om seg med fleire kurs kan det bli ein stor grevinneorden til slutt. Kva er vitsen ? Jau , berre ha det moro ilag og føle seg vakre for ei lita stund.

Det er ikkje noko som er meir moro enn å sjå og høyre mange ungdomar som er opprømte, nervøse, glade, spente , pynta , sminka m.m. Slik er UKM – og mykje GOD LYD surrar i lufta og det er mange menneske samla til ei festforestilling! Det kokar i timane før – ALT skal vere på plass i løpet av dagen og kl. 15.00 går startskotet. Lydprøver, juryskjema, registrere deltakere, lage til Greenroom, – scena skal vere teknisk klar med alt utstyr på plass! Og vi rekk det kvart år – sånn stort sett. Det er ALLTID noko vi kanskje kunne ha gjort betre , men då berre prøva vi på det. Neste år.

Inger Nesbakk og Alice Beate Holm var årets konferansierer! Dei var svært dyktige og leia forestillinga framifrå !

Mønstringa varte frå kl.15.00 til ca kl. 19.00 – 54 ungdomar  var i aksjon og mange andre deltok bak scena , med kafé med billettsal, med lyd og med lys. Bremanger kulturskule var hovedarrangør i saman med Sal og Scene klasse på Hauge skule. Vaktmester Terje Hauge stillte opp med lyssetting og Einar Nesbakk styrte lyden. Dommarar kom frå Sandane, Svelgen og Kalvåg. Anna Maria Malkenes, Raimund Hoclas, Thomas Øvstegård og Ida Strand Sundsøy!  Dei sendte vidare desse bidraga til årets fylkesmønstring!

Desse kunstnarane gjekk vidare i 2014 -Natalie, Matias, Thea Ytre Hauge. Josefine var ikkje til stades.

Kunst til fylket : 

«Skrik» Natalie Nesje med tusjteikning av Munch bildet :

«Sjølvportrett» av Matias Skjølberg

«Vampyr»- Thea Ytre-Hauge

«Kvit rose» Josefine Førde Lindhagen

Sceneinnslag til fylket :  

• Nora-band



 -band, Henrik Førde, Mari Lindvik
, Nora Klungresæter
, Oliver Igland
, Vilde Nesbakk
. Titler: 
“Runaway Baby”
• Brita Myrhol




 – sang og gitar : Brita Myrhol

. Titler: 
 ”Theese streets” –
• “AHV and the freakz”


-gitar, sang, kohoon: Aksel Hauge Vedvik
, Sigve Holm Sæterlid, Vebjørn Solberg 
. Titler- “Mirrors”
• Jim Steven-bandet



 – band:  Dorte Førde
, Halvor Nesbakk
, Håvard Lågeide, Iver Strand Senneset, Jim Steven Tammachart Igland, Ulvar Bjarkason
. Titler : » The night they drove old Dixie down»



• Elise Olsen – sang/teater




 : Elise Olsen
. Titler: 
”Popular” 

UKM 2014 vert arrangert i Bremangerhallen laurdag 18.januar kl. 15.00.

Kunstutstillinga opnar i hallen kl. 15.00 og det vert open kafé som Bremanger skulemusikk står for.
Kl. 15.45 vert det eit klassisk innslag på flygel i Heimen» (kinoen på Hauge) (Nora Klungresæter.

Kl 16.00 startar resten av sceneinnslaga frå den store scena i hallen.

Inger Nesbakk ,konferansier, Bremangerjente som går 2.året på Media på Firda.

Alice Beate Holm – Konferaniser – Svelgenjente som går 3.året på Media (påbygg) på Firda.

Inger Nesbakk og Alice Beate Holm er årets konferansierer på UKM !

Elevar frå sal og Scene er «medarrangør» saman med lærarar i Bremanger Kulturskule.

Kaféen i år vert av Bremanger skulemusikk !

Årets dommarar er :

Raimund Hoclas, Thomas Øvstegård, Anna Malkenes, Ida Strand Sundsøy

Billett kr 100 vaksne og kr 50 born Velkommen skal de vere!